"مفيش حاجة اسمها مسلم ومسيحي".. الشرقية تودع النقيب "ميلاد" في جنازة طولها 2 كيلو متر

06:17 م | الخميس 14 يوليو 2016

أمام مدخل قرية دبيج بمركز ديرب نجم محافظة الشرقية، تراصت أكثر من 200 سيارة على يمين طريق "المنصورة - الزقازيق"، لمسافة امتدت لـ 2 كيلو متر، منتظرة وصول جثمان الشهيد ميلاد سعد جورج النقيب بالقوات المسلحة، والذى استشهد أول أمس فى الشيخ زويد بشمال سيناء.

وأدى خروج الآلاف من سكان القرية، وسكان القرى المجاورة بجميع فئاتها، رجالا ونساء، وشيوخا وأطفالا، إلى حدوث زحام مرورى وغلق الطريق تماما حتى وصول الجنازة العسكرية إلى مسقط رأس الشهيد وانطلاقها إلى مدافن الأقباط فى قرية كفر يوسف عوض بالدقهلية.

يقول إبراهيم عرفة، أحد أصدقاء شقيق الشهيد بصوت حزين "مفيش حاجة اسمها مسلم ومسيحي في بلدنا، فيه حزن، فيه شهيد سقط غدرا على يد الجماعات الإرهابية اللى ما تعرفش ربنا، كل واحد فى القرية حاسس إن ابنه أو أخوه هو اللى مات، ميلاد شقيق صديقي مايكل، بينى وبينهم عيش ملح، ميلاد كان راجل جدع وشهم ومحترم ومتواضع، الناس كلها كانت بتحبه، بلدنا فى الجنازة الصراحة كانت حاجه تشرف".

{long_qoute_1}

يضيف عرفة قائلا: "المسلمون دخلوا الكنيسة وحضروا القداس بما فيهم أئمة وخطباء مساجد القرية، مفيش حد فكر إن دا مسلم ودا مسيحى إطلاقا، كله كان بيفكر فى إن الشهيد ابن بلدنا وإنه شهيد الواجب وبطل.والدته كانت منهارة جدا وبتصرخ من شدة الألم، وأبوه كان صامتا طوال الوقت مش مصدق، ربنا يكون فى عونها، دا ابنها اللى كانت بتفخر بيه هى ومعظم أهل القرية، الشهيد كان حاسس إنه هيموت لما كتب على صفحته على الفيس بوك من شهر (الرصاصة التى لم تصيبك تعطيك فرصة أن تردها)، ثم أعقبها بتعليق آخر (نفسي أموت شهيد).

ويقول علي محمود ابراهيم، أحد أصدقاء الشهيد بالقرية "بعد ما عرفنا الخبر قبل العصر عمال مجلس مدينة ديرب نجم والوحدة المحلية بالقرية مسحوا الطريق ونضفوه لاستقبال الجنازة، وقمت بمصاحبة بعض لوادر ومعدات النظافة إلى قرية يوسف عوض عصرا لأنها تابعة للدقهلية، وذهبنا إلى الكنيسة لمقابلة القس لنخبره بالوفاة ليستعد للجنازة، ثم ذهبنا الى مقابر الأقباط فى نفس القرية لتهيئتها استعدادا للجنازة".

{long_qoute_2}

يكمل علي قائلا "كل واحد كان عنده عربية كان طالع بيها، الناس عاوزه تعمل واجب، دا ابن بلدنا وابن الجيش المصري، ميلاد قطع قلوبنا إمبارح، بلدنا بتكون على قلب رجل واحد فى مثل هذه الأحداث غير العادية ربنا يصبرنا ويصبر أهله، وأبوه مهندس زراعي ومحبوب من الناس كلها".