بالفيديو| أحدى أولياء الأمور أمام وزارة التعليم: "الإقالة هي الحل"

04:48 م | الاثنين 27 يونيو 2016

تجمع العشرات من أولياء الأمور وطلاب الثانوية العامة أمام الوزارة، اليوم، احتجاجا على تأجيل وألغاء بعض امتحانات نهاية العام، فيما تعالت الهتافات "طلاب ثانوية مش بلطجية.. حسبي الله ونعم الوكيل يا وزارة فاشلة".

وانتقدت إحدى أولياء الأمور، موقف الوزارة، قائلة: "بالمنظر ده دول مش أمناء على تصحيح ورق ولادنا، إذا كان هما مش أمناء على ورقة أسئلة يبقى هيعملوا ايه بورق الإجابة".

وتابعت: "دول حكومة مش أمينة ولو مجلس الشعب مش هيقيله إحنا هنقيله، مش قادرين يمسكو صفحات العيال بالغش اتجمعنا وشاومنج دة صفحات بالهبل بتجيب الامتحان، احنا ولادنا بيروحو يتفاجئوا بالامتحان".

وأعربت الأم عن استيائها من قرار تأجيل الامتحانات قائلة:"التفاضل كان زفت الفيزياء كانت زفت، من أول يوم الامتحان اتسرب ملغوش كل الامتحانات ليه جايين واحنا هنخلص يوم الأربع لسه هنستنى لقبل الوقفة بيوم احنا لسه فينا قلب وفلوس ده أنا صارفة 25 ألف جنيه على ابني حرااام".