نصائح السابقين لطلاب الثانوية العامة: «كلها محصلة بعضها»

10:56 م | الخميس 02 يونيو 2016

«أنصح طالب ثانوى»، «احكيلنا عملت إيه أول ما عرفت نتيجة الثانوية العامة» فعاليتان أطلقتهما صفحة جماهيرية بعنوان «مجتمع الثانوية الساخر» أو «ثانوية ساركزم سوسيتى» فى إطار التحضيرات لامتحانات الثانوية العامة، الأولى للمجتمهدين الراغبين فى الحصول على نصائح السابقين من أجل مجموع أفضل، وأما الثانية فلمن ينتظرون مجاميع ضعيفة ويرغبون فى إيجاد السيناريو الأفضل للتصرف مع أولياء الأمور مقدماً.

{long_qoute_1}

ويندا عادل حذرت الجميع: «لو جبت 500% ما تدخلش سياسة واقتصاد»، أما تقى أشرف فهونت الأمور كثيراً «أصل ممكن تذاكر وتتعب وما تجيبش حاجة وممكن ما تذاكرش وتكون إنسان مستهتر وتلاقى نفسك جايب مجموع، شوف انت مرتاح لإيه وسيبها على ربنا بقى»، ميادة عبداللطيف بدت واقعية إلى حد بعيد «ذاكر كأنك رايح امتحان شهر، ما تحطش فى بالك كلمة ثانوية وكله هيبقى تمام» أما منى ناجى فسخرت من الوضع كاملاً: «اوعى حد يطق فى دماغه ويدخل ثانوى، اسأل مجرب، دماغى لسعت منها».

بين السخرية والجدية تراوحت التعليقات، إلا أن محمد جمال، أحد مسئولى الصفحة الساخرة، بدا واثقاً للغاية فى أهمية مثل تلك القصص والحكايات فى مساعدة طلبة الثانوية العامة، الشاب الذى سبقهم والتحق فعلاً بكلية الهندسة، وتخصص فى الميكانيكا أكد «ممكن منشور واحد يغير حياة شخص بالكامل، صحيح فيه كلام تهريج وضحك، لكن فيه ناس دخلت كليات مناسبة ليها بسبب منشورات التجارب، وناس خففت على نفسها الضغط، وناس شافت الثانوية بحجمها الطبيعى».

«محمد» أكد أن «التهريج بيعمل معجزات» يقول: «صفحات كتير بتسخر من الثانوية العامة، لكن إحنا بنسخر من المنهج بطريقة تضحك الطالب وتخليه يفتكره، سخرية هادفة، يعنى أكتر جزء سخيف وممل فى المنهج لما نطلع عليه كوميك، والطالب يضحك، عمره ما هينساه أبداً».