برشلونة.. "بلد الكل حاجة"
بتحب الكرة، التاريخ، التسوق، البحر، الطبيعة، العمارة، أو الأكلات الجديدة أو حتى مجرد إنك تستمتع إنك تتمشى في بلد جميلة، جوها معتدل، يبقى اطلع على "برشلونة".
طبعًا هبتدي اتكلم عن أعمال جاودي، جاودي كان أشهر معماري في عصره وبنى كثيرا من معالم برشلونة، عاش حياته كلها وحيدًا وكرس كل حياته للعمل، وكان بيعتبر شخصية غير اجتماعية، مع أن المقربين منه كانوا يصفوه بأنه اجتماعي جدًا ومخلص لصحابه، ومع عدم وجود حياة اجتماعية كان عنده موهبة فزة، وكان ليه أكتر من أسلوب في بناء المعالم وابتدع الأسلوب الخاص به.
ومات في حادث سيارة، ويقال إنه لم يهتم بنفسه، افتكروه شحات فمخدش الاهتمام الكافي لنقله بسرعة للمستشفى ومات، ومن أشهر أعماله في برشلونة كنيسة ساجرادا فاميليا، وهي من أضخم كنائس أوروبا، واللي قعد يبني فيها 15 عاما، و"كان مهندسا آخرا ابتدى فيها قبله"، وحتى الآن لم يكتمل بناؤها.. لمعلومات أكتر عن الكنيسة وصورها ومواعيد الزيارة وحجز التذاكر ممكن تزور http://www.sagradafamilia.org/en/structure-and-form/.
كمان لازم تزور حديقه جويل Parc Guell، وهي من أضخم الحدائق، وتعتبر جمع للطبيعة والبناء المعمارى، وكان فيها بيت جاودي اللي اتنقل للسكن فيه http://www.parkguell.cat/en/، ومن الحاجات اللي لازم تجربها إنك تركب "التلفريك" اللي هيطلعك لجبل "مونتوجوك"، وهتشوف من فوق برشلونة كلها، وتزور المدينة الأوليمبية، اللي فيها استضافت برشلونة الألعاب الأوليمبية سنه 1992.
وبالنسبة للتسوق، من أكبر التخفيضات في أوروبا، تخفيضين واحد يوم 7 يناير والتاني في الصيف، ممكن تروح شارع لارمبلا La Rambla بس من الصبح علشان بيبقى طوابير الشارع نفسه تحفه، بس إنك تتمشى فيه، وطبعاً متنساش الـtax free، لو صرفت أكتر من 90 يورو من أي محل هيرجعلك تمن الضرائب المدفوعة، وهتجيب الحاجة أرخص، وآخر طريق لارمبلا هيطلعك على ميناء برشلونة، وتمثال "كولومبس"، واستمتع بالمناظر الطبيعية.
وطول الطريق هتلاقي أشخاصا ممثلين نفسهم كأنهم تماثيل، وفعلا هتلاقي من الصعب تمييز إذا كانوا تماثيل ولا أشخاص، أو لو مش في وقت تخقيضات فلازم تروح out زي La Roca، وهتلاقي الأسعار أرخص من أي مكان تاني https://www.larocavillage.com/es/home/.
ولمحبي الأكل، في أكلتين مميزتين ومشهورين في إسبانيا ولازم تجربهم، أو واحدة هي الباييا Paella، وهي طبق أرز محضر مع الأسماك أو اللحوم، وفيه منه لونه أسود بيبقى بحبر الأخطبوط، والأكلة الثانية هي التاباس Tapas وهي مقبلات.
ولمحبي الكرة طبعًا لازم يروحوا كامب نو Camp Nou، وده أكبر ملعب في أوروبا وتقدر تحجز تذكرة، وتتفرج على الملعب أو لو حظك حلو وفيه ماتش هيتلعب فطبعًا تحجز تذكرة وتعيش التجربة. http://www.fcbarcelona.com/camp-nou، وعلشان نكمل الرحلة ونبقى عملنا كل حاجة، فلو أنت في الصيف لازم تنزل البحر، ناشيونال جيوجرافيك وقناة ديسكفرى، أقرت بإن شاطئ برشلونة أفضل ثالث شاطئ في العالم.
في كارت ممكن تجيبه بيبتدى سعره من 29 يورو لليومين للكبار، بيخليك تركب كل المواصلات بما فيهم الانتقال من المطار، وتقدر تزور أغلب المعالم السياحية ببلاش، وكمان متقفش في طوابير http://www.barcelona-life.com/barcelona/cardأتمنى ليكم رحلة سريعة جميلة موفرة وموفقة ترضي جميع الأذواق.
لمعلومات أكثر عن رحلاتي وسفري زوروا صفحتي
