باعة جائلون أمام وحدة إزالة إشغالات: «جبروت»

08:03 م | الاثنين 09 مايو 2016

فى تحدٍّ واضح لحى وسط بالإسكندرية، الذى يقوم بإزالة التعديات فى الشوارع، افترش عدد من البائعة الجائلين بضاعتهم أمام مبنى وحدة المرافق التابع للحى بمنطقة محطة مصر، وتحت لافتة «وحدة مرافق حى وسط»، وضع «عصام السيد» بضاعته وهى عبارة عن أدوات بلاستيكية يتم استعمالها فى المطبخ والحمامات، بدعوى: «أصل هما مش سايبين لنا حتة نشتغل فيها»، وحول السور وضع «على عامر»، بائع آخر، بضاعته وعلق لافتة «البيع بسعر الجملة».

«البلطجة أسلوب حياة»، هكذا علق المارة فى الشارع على هذا المشهد المثير الذى لفت انتباه الجميع، خاصة أن أكثر من بائع يفرش بضائعه إلى جوار سور الوحدة وأمام بابها الرئيسى، دون أى اعتبار لمسئولى الحى. وقال إبراهيم محمد، محاسب: «ده علشان المسئولين فى الأحياء مش بينزلوا فى حملات، وكل بائع واقف فى الحتة اللى هو عايزها، الشارع دلوقتى بقى بتاع البائعين المتجولين والرصيف كمان، مفيش ولا مسئول بيتحرك، بتوع الحى ينزلوا وياخدوا كام عربية أو كام فرش وبعدين كله يدفع غرامة وياخد الفرش مرة ثانية ويرجع تانى فى الشارع، أهم وصلوا لحد عندهم قدام الحى».

من جانبه قال على مرسى، رئيس حى وسط، لـ«الوطن»، إنه علم بالأمر ويتم شن حملة لإزالة الإشغالات والتعديات أمام وحدة المرافق التابعة للحى بمنطقة محطة مصر، مؤكداً أن الحى يقوم بعدد من الحملات المكثفة على جميع الميادين لإزالة التعديات الواقعة فى الشوارع وتنظيفها، مشيراً إلى أنه من غير المقبول اصطفاف الباعة فى أى مكان بالحى وليس أمام وحدة المرافق التابعة للحى فقط.