دخلة الصيف وارتفاع الدولار.. وبينهما المواطن «حران ومفلس»

09:46 م | الخميس 21 أبريل 2016

ما بين موجة طقس شديد الحرارة، وزيادة أسعار التكييفات إلى 30%، والمراوح 15%، بسبب ارتفاع الدولار، يقف المواطن فى حيرة، فالضرر الأكبر مع كل ارتفاع فى الدولار يمس معيشته، الذى كلما حاول أن يتكيف مع الارتفاع المستمر يجد أن الحالة تدفعه دفعاً إلى قرار «التقشف»، لكن يزيد عليه هذه المرة زيادة أسعار الأجهزة الكهربائية بالتزامن مع «حر ما يطقش».

حالة من الاستياء سيطرت على المواطنين بمختلف الفئات، فارتفاع سعر الدولار أصبح الشماعة التى تسببت فى إزعاج الكثيرين، خصوصاً مع زيادة أسعار الأجهزة الكهربائية، ومن بينهم كان «أحمد عبدالكريم»، الشاب العشرينى، الذى قرر أن يشترى تكييفاً فى فصل الصيف هذا العام، فاصطدم بسعره بعد ارتفاعه: «من الشتاء اللى فات بحوّش ثمن تكييف صغير عشان كنت عارف أن الحر السنة دى صعب، مكنتش أعرف أن سعره هيزيد بالشكل ده، رحت اشتريه لقيت الـ1.5 حصان بـ5000 بدل 3 آلاف جنيه».

{long_qoute_1}

الضرر نفسه تعانى منه الحاجة صبيحة محمد (47 عاماً)، بائعة الخضراوات، تشكو من زيادة أسعار السلع، ويزيد عليها ارتفاع سعر الأجهزة الكهربائية: «الواحد مش عارف يلاقيها منين ولا منين، والمروحة اللى كان عندى أمل أشتريها عشان نعرف ننام فى الحر ده وبقى سعرها غالى برضه»، مضيفة: «المروحة رحت أشتريها لقيت أقل حاجة فى السوق نضيفة بـ300 جنيه، والوحشة اللى بتبوظ بسرعة بـ150 جنيهاً، والحر داخل علينا صعب جداً».