عضو بـ"مجلس الأهلي": "الجمهور اللاعب رقم واحد.. ونفسنا يرجع زي زمان"

12:16 م | الأربعاء 20 أبريل 2016

أكد محمد عبدالوهاب، عضو مجلس إدارة النادي الأهلي، أن 10 آلاف دعوة وزعت على الجماهير لحضور مباراة الأحمر، في دور الـ16 لدوري أبطال إفريقيا، أمام يانج أفريكانز التنزاني، في السابعة والنصف مساء اليوم الأربعاء.

وأضاف في حواره ببرنامج "ملعب 9090"، والمذاع على الراديو 9090 "نفسنا يرجع الجمهور مثالي في الملاعب زي ما مكان ودون الخروج عن النص، عشان كده كان لازم نعمل الخطوة دي، نعمل موقع إلكتروني يسمح للجمهور الذي يريد حضور المباريات بمعرفة ما له وما عليه".

وتابع "الجمهور اللاعب رقم واحد مش رقم 12 في المباراة، الجمهور عامل أساسي وكلنا بنسعى لحضور الجماهير المباريات وعودتهم للمدرجات، وأكيد مش هنفضل كده طول عمرنا من غير جمهور".

وأكد "بقول لجمهور الأهلي أنت طول عمرك مثالي على مستوى إفريقيا، وهو ده اللي بيميز الأهلي عن أي نادي تاني، وكله ده بالتشجيع المثالي وعدم الخروج عن النص".