إبراهيم حجازي يطالب بمجانية المواصلات للضباط: "عندنا مين ندلعه غيرهم"
إبراهيم حجازي يطالب بمجانية المواصلات للضباط: "عندنا مين ندلعه غيرهم"
قال الإعلامي إبراهيم حجازي، إن أحد ضباط الشرطة يقضي خدمته في محافظة الأقصر، وعند استقلاله أحد القطارات أثناء عودته من الخدمة فوجئ بارتفاعها ضعفين، مضيفًا: "كانت التذكرة بـ 100 جنيه وكان بيدفع نصف تذكرة 59 جنيه، المرة دي لقاها 200 جنيه، ولما قالهم طب ونص التذكرة، قالوله مبقاش فيه انصاص".
ووجه حجازي، خلال برنامجه "في دائرة الضوء"، على قناة "النهار"، عتابا إلى الدكتور جلال السعيد، وزير النقل، قائلًا: "براحة شوية علينا، أول ما تيجي تعلي السعر كده ضعفين، وبعدين المفروض الضباط من الجيش والشرطة يركبوا ببلاش، إحنا عندنا مين ندلعهم ونحطهم فوق دماغنا غيرهم، دول كل يوم بيقدموا شهداء".
وتابع: "المفروض يركبوا ببلاش، هما أصلا مش فاضيين للتنطيط في القطارات، دول بيرجعوا بيوتهم كل أربع أيام، وبيصحوا الصبح مش عارفين الليل جاي عليهم ولا لأ".
