صفحة "الجالية المصرية بالسعودية": الاعتداء على مصري وطعنه بخنجر في بطنه

03:54 م | الخميس 24 مارس 2016

تداولت صفحة "الجالية المصرية في المملكة العربية السعودية"، على موقع التواصل الاجتماعي "فيس بوك"، صورًا لمواطن مصري مقيم في السعودية، يدعى فاروق طعن في البطن بسبب خلاف على أولوية السير.

وروت الصفحة ما حدث بالتفصيل قائلة "فاروق كان ماشي هو وصاحبه بسيارتهم عادي زي أي حد، الطريق كان زحمة أساسًا وفيه طريق فرعي ممكن السيارات تعدي منه صاحب فاروق هو اللي كان سايق، وعدى من الطريق ده قدام شباب سعوديين بسيارتهم، المهم الشباب أضايقوا، إزاي واحد مصري يعدي قدامنا وإحنا أصحاب البلد، لا ميصحش كدا، فضلوا يزنقوا عليهم، وخبطوا سيارتهم خلوها تتجاوز للطريق المقابل ليهم".

وأضافت الصفحة "نزل فاروق يتكلم معاهم بكل احترام، وبيقوله ليه كده، خبطه بالدماغ في مناخيره وخبطه بالخنجر في بطنه وفي جمبه وكان هيذبحه لولا إن الناس منعته، فاروق أخذ 18 غرزة وكان هيموت وصاحبه أخذ 12 غرزة في صدره، طبعًا ولا حياة لمن تنادي للسفارة المصرية في السعودية، كان ممكن أنا أكون مكان فاروق أو أي شاب مصري مغترب في أي دولة والشرطة مسكت الاتنين دول وخرجوا بكفالة".