مواطن عن تصريحات محفوظ صابر: "ممكن ابن الزبال يبقي أحسن من ابنه"
أجرت قناة "الحياة" تقريرًا عن آراء المواطنين حول تصريحات وزير العدل "المستقيل" المستشار محفوظ صابر، حول عدم صلاحية تعيين أبناء عمال النظافة بالهيئات القضائية والتي أثارت حالة من الضجة في الشارع المصري قدَّم على إثرها الوزير استقالته.
ورأى أحد المواطنين: "الناس كلها زي بعض قدام ربنا والقانون، إيه يعني لما ابن زبال يبقى شاطر ويوصل للمكان ده ويخدم البلد فيه، طب ما هو بيقف على الحدود ولا هناك حلو وفي القضاء هيبقى وحش".
وقال آخر: "ممكن ابن الزبال ده يبقى أحسن من ابنه، ابن الزبال ده إنسان اجتهد وتعب عشان يوصل للمرحلة دي المفروض نشكر والده، مفيش سبب أو مبرر لكلام الوزير".
وتابع أحد المواطنين: "ابن الزبال حامل الجنسية المصرية، والدستور كفل حقوقه".