نفسى ف يوم
نفسى ف يوم أكون شاعر
ألاقى الكل يقرالى
وألاقى الكل ف الراديو بيسمعنى
وف التلفاز يلقانى
لكنى اليوم يا خسارة
قامت ف البشر غارة
طلع شيطان
ف كل مكان
واسمه النت
شغل الواد وكان لهلوب
وجن البت
وعاد الشعر بلا قيمة
بنات بقى هوايتها
الإيميلات
بكل ما فيها من تفاهات
آدى النت وحكايته
جلب الإحساس
من قلب الناس
خلا الفلاح ترك أرضه
وترك الفاس
صحيت م النوم
لقيت نفسى
لانا شاعر ولا كاتب
وانا يا ناس
من قهرى
طول الليل
أنا بهرى
على شعرى
على بختى
لا حد سمعنى
ولا قرالى
لميت دفترى وأشعارى
خنقت نفسى وأحلامى
فجأة
لقيت أنا نفسى
لانا نايم ولا صاحى