قهوة قرية ملاوي
المقاهي في مصر، عالم متكامل، يشمل جلسة الصحاب والعمل، واللعب بجانب الاستمتاع بالمشروبات المميزة، ولا تخلو منطقة أو حي أو قرية في مصر، من القهوة البلدي، حتى وإن اختلف شكلها من مكان لآخر، وفي قرية قلندول بملاوي محافظة المنيا، يقول أحد سكانها إن المقهى الذي دائما ما يجلس عليه في قريته، يتميز بأسعاره الرخيصة، «الشاي بجنيه، ومفيش مشروبات أغلى إلا اللي بجنيه ونصف وهما الينسون والحلبة».
من جانبه، قال رمضان كمال في حديثه مع «الوطن»، «بنيجي القهوة بالليل نتجمع وبنشوف عليها شغل، وبقعد عليها ساعة ولا ساعتين واتكل على الله أمشي، وأحنا بنعمل كده من زمان».
وأكمل: «كلنا كده وكل واحد بيطلع على رزقه بيرجع على القهوة علشان يلاقي شغل، ولو العامل مرجعش على القهوة مش هيلاقي شغل ودي مصدر لشغل البحر، وكله بيجي يسترزق من هنا».
فيما فند بهاء يوسف، «المقاهي دي موجودة كسوق عمالة في الأرياف بس، واللي عايز عمال أو أنفار يجي على القهوة».
وتابع عبده عبدالبديع، «القهوة دي أخر حاجة الواحد بيجي عليها، بروح من الغيط أتغدي واجي على القهوة أشرب الشاي واخد سهرتي مع أصحابه وبروح، والقهوة مصدر رزق للكتير من أهالي القرية، والشاي بجنيه مغليش، والقعدة على الطبلية هي قعدة شعبية، وكل الحبايب بتيجي تتجمع وتقعد مع بعضها».
تعليقات الفيسبوك