إشادات الجمهور بكليب «الدنيا بترقص» لـ عمرو دياب: الصيف بدء
هدي المفتى بطلة كليب الهضبة
عمرو دياب
إشادات عديدة نالها كليب الفنان عمرو دياب الجديد «الدنيا بترقص»، والذي طرحه منذ قليل، عبر حسابه على «فيس بوك» وعدد من المنصات الإلكترونية، وهو من كلمات ملاك عادل، ألحان محمد يحيى، وتوزيع أحمد إبراهيم.
وقد جاءت تعليقات الجمهور على الكليب كالتالي:
«بس خلاص كده الصيف بدء... عشان الهضبة حضر، يعني الكبير نزل كله يركن، عشان كبير المجال جه، العو حضر».
وعلق آخر: «تتعاقب الأجيال وتتغير الألبومات ويختلف المتنافسون وكالعادة لا صوت يعلو فوق صوت وموسيقي عمرو دياب في شوارع مصر».
وأضاف آخر: «أغنية عالمية في كل حاجة الكلمات والتوزيع والتصوير، والهضبة المبهج دايما اللي ماينفعش الصيف يعدي من غير ما يكون الهضبة سايب لينا ذكرى حلوة معلمة فينا وتفضل معانا طول حياتنا، هو صحيح الهضبة مش من فراغ».
وتابع آخر: «الله على الجمال فيديو كليب روعة وأغنية تحفة موسيقى جميلة ده العادي اللي متعودين عليه من الهضبة العالمي، الصيف أحلى مع الهضبة».
وقال متابع: «كده من النهارده الصيف بدأ خلاص تغيب تغيب وترجع تخطف قلوبنا».
وعلق آخر: «إايه العظمة دي ياكبير، حسيت أني قاعد ع البحر والدنيا بترقص وأنت معايا، اهدا علينا شوية فنان… الصيف كان حر وخنقة لحد ما نزلت الأغنية، الدنيا قلبت روقان».
يذكر أن عمرو دياب كان قد طرح مع بداية العام الجاري ألبوم «يا أنا يا لأ»، والذى تضمن 12 أغنية من بينها أغنيات «يا أنا يا لا، وبتهزر، وشكرا، ومحسود، وأنا معاك»، والتى قام بتصويرها ضمن إعلانه الخاص بالعطر.
وتعاون «دياب» فى الألبوم مع نخبة من الشعراء والملحنين أمثال أيمن بهجت قمر وبها الدين محمد وتامر حسين ومحمد يحيي وأحمد عادل ووسام عبدالمنعم وعادل حقي وعزيز الشافعي وتوما.