شهادة للتاريخ.. وزير المالية يتحدث عن أزمات عاشتها مصر قبل 2014
الدكتور محمد معيط .. وزير المالية
عرضت شاشة "Extra news"، تقريرا عن أحوال مصر قبل عام 2014، وذلك تحت عنوان "للتاريخ"، تحدث فيها عدد من الوزراء والمسؤولين، رصدوا خلالها المشاكل التي طرأت على مصر قبل تولي الرئيس عبد الفتاح السيسي حكم البلاد.
وقال الدكتور محمد معيط، وزير المالية، خلال التقرير، إن الفترة التي سبقت 2014 لم يتم عمل فيها أشياء كثيرة كان من المفترض إنجازها، فكانت الدولة على علم بأنها ستواجه أزمة شديدة في الكهرباء، ولكن السؤال "يا ترى كان عندنا الموارد المالية اللي تخلينا ندخل ونطور من الجذور، الإجابة لا".
وأضاف "معيط"، أن مصر في ظل ارتفاع سعر برميل البترول كانت لا تُحرك أسعار المواد البترولية في الداخل، "كان البرميل بيوصل لـ 120 دولار واحنا ثابتين على سعره في السوق المصري، طب مين اللي كان مفروض يدفع الفرق ده؟ كان بيتم دفعها من موارد الدولة، بس كان المفروض يبقى على كلفة اللي البنزين متوجه له".
وتابع: "بدل ما أدي دعم للبترول، نوديه للتعليم والصحة والكلام ده، مستوى خدمات صحية عمالة تنزل والتعليم عمالة ينزل، والأكثر من كده مفيش سكن اجتماعي، عجز الموازنة"، وهذا جميعًا كان قبل 2014، فكانت المصروفات تفوق الإيرادات بمراحل، "لو مواردي مثلا 1000 مليون، ومصروفاتي يبقى 1500 مليون، يبقى كده مصروفاتي أكتر من إيراداتي بـ 500 مليون ، العجز ده لما نقسمه على الناتج المحلي الإجمالي يطلع لي النسبة المئوية للعجز".
وواصل: "كان لازم يبقى فيه عملة صعبة عشان تجيب القمح والمواد البترولية والأدوية ومستلزمات الانتاج، عاوز وظائف تتخلق، وسلع متوفرة، عاوز أعالج فيروس سي وأضخ مليارات فيه، أزود عدد الأسرة في العناية المركزة وأوفر مرتبات للأطقم الطبية، لازم اللي فوق يكون اتصلح، كل ده كنا بنواجه فيه أزمات".