"الجزار": كل متر في الوحدات السكنية بالعاصمة الإدارية له قيمة
وزير الإسكان: بنتي الكبيرة كان نفسها تبقى مهندسة بس فضلتلها اتجاه تاني
وزير الإسكان
قال الدكتور عاصم الجزار وزير الإسكان والمجتمعات العمرانية الجديدة، إن كل مساحة في الوحدات السكنية لحي جاردن سيتي الجديد في العاصمة الإدارية الجديدة له قيمة، لذلك راعوا في تصميمه الاستفادة الأمثل للفراغات "عشان المواطن لما ييجي يفرش يلاقي مساحة يستطيع إدارتها متبقاش كبيرة على الفاضي".
وأضاف خلال لقاء ببرنامج "مصر تستطيع"، المذاع على شاشة قناة "DMC"، والذي يقدمه الإعلامي أحمد فايق، أن أكثر من شركة تعمل في حي جاردن سيتي الجديدة، موضحا: "طبيعة العمل مع جيل الشباب محدش بيبص اللي بيشتغل ذكر أو أنثى، طبيعتهم أو جنسهم بيسبوه في البيت وهما هنا بيتعاملوا بمهنتهم وحرفتهم".
وتابع "عاصم" :"أنا بنتي الكبيرة كان نفسها تطلع مهندسة، بس أنا فضلتلها اتجاه تاني غير الهندسة، هي مختارتش، هي كانت عاوزة تطلع زيي، بس لو طلعت مهندسة واشتغلت في العاصمة ممكن كان حد يقول آه عشان باباها وزير الإسكان فقولت بلاش أحسن".