أيمن بهجت قمر: أشكر كل من دعمني.. ومكنتش بدور على لقطة
![أيمن بهجت قمر](https://watanimg.elwatannews.com/image_archive/840x473/274453661579346160.jpg)
أيمن بهجت قمر
شكر الشاعر أيمن بهجت قمر، محبيه على دعمهم له بعد إعلانه اعتزال كتابة الأغاني، أمس الأول، عبر صفحته الشخصية بموقع "فيسبوك".
وغرد قمر عبر حسابه الشخصي بموقع "تويتر" قائلا: "بشكر كل اللي دعموني واللي اتصلوا بيا بس أنا بتأسف ليكم الموضوع لا هو لقطة بدور عليها وإلا كنت عملت مداخلات أو طلعت في برامج ولا مثلا لحظة غضب، أنا بدور على الراحة جايز أحن للأغاني وأكتب لنفسي، بس خلاص أنا طلعت من المفرمة دي ربنا يقدرني أقدم أعمال درامية تعوض غيابي ده وهدعم المواهب".
وأعلن قمر قبل أيام، اعتزال كتابة الأغنيات تمامًا بعد طرح أغنية "مهرجان" مع الفنان عمرو دياب، والاكتفاء بكتابة الأفلام.
وقال "قمر" في تغريدة عبر صفحته الرسمية بـ"فيسبوك" :"بقالي فتره مش صغيرة بفكر جديا في اللي هقوله دلوقتي.. أنا قررت إن أغنية مهرجان هي آخر أغنية أنا هكتبها.. وخلاص هعتزل تأليف الأغاني .. هكتب أفلام مسرح مسلسلات لكن خلاص هبعد عن مجال الموسيقى.. بقالي 28 سنة بكتب أغاني وطول الوقت في توتر وضغوط عاصرت أجيال كتير من 1992 لحد دلوقتي وخلاص قررت أرتاح من السبق ده.