«مصر بتقولك» تنافس «تسلم الأيادى»: «كمل جميلك»
![«مصر بتقولك» تنافس «تسلم الأيادى»: «كمل جميلك»](https://watanimg.elwatannews.com/old_news_images/large/190382_Large_20140109082258_18.jpg)
مجموعة من الشباب تجمعوا على حب مصر، أغلبهم وجوه جديدة لا تزال فى أول الطريق جمعتهم رغبتهم فى تقديم عمل فنى للجيش المصرى، فكان أوبريت «مصر بتقولك».
«قوم وشيل الراية بينا تبقى كملت الجميل.. إحنا منك وإنت منا ما أنت للحمل التقيل.. مصر بتقولك بناسها الطريق لساه طويل»، كلمات الأغنية التى غناها خمسة شباب من المواهب فى أول أعمالهم الفنية: «شادى - أحمد - أسامة - آية - رغدة»، منتجة الأغنية نجاة الشاذلى، كانت أكثر المشاركين فى الأغنية تحمساً لها، فهى ابنة الجمالية حيث نشأ الفريق عبدالفتاح السيسى: «إحنا كلنا بنحب السيسى، لكن الأغنية مهداة للجيش المصرى كله»، لا تنتظر «نجاة» ربحاً من وراء الأغنية ولا شكوراً: «الأغنية دى ما فيش حد فيها خد مليم وكلنا اتبرعنا حتى أماكن التصوير فى الفيوم الناس ساعدونا وما حدش أخد جنيه لما عرفوا إن الأغنية للجيش». الأغنية تم تصويرها بمدينة الفيوم «تعمداً» بحسب نجاة: «الفيوم كلها إخوان وإحنا رحنا متعمدين هناك عشان يعرفوا أن الشعب والناس العادية اللى مالهاش مصلحة هى اللى ورا الجيش والسيسى»، فى الفيوم تعرض طاقم الأغنية لتهديدات من أنصار الإخوان بالمدينة ولكن كان لوجود العمدة كارم سعيد أحمد، أمين عام اتحاد عمد ومشايخ العالم العربى، مع فريق العمل سبباً فى ابتعاد أنصار الإخوان عن أماكن التصوير، المنتجة وفريق عمل الأغنية يسعون لانتشار الأغنية ونجاحها على غرار نجاح «تسلم الأيادى»: «الأغنية إن شاء الله توصل لكل المصريين وتقدر تحقق نجاحاً كبيراً، لأنها لسان حال كل المصريين».