بريد الوطن| حدوتة وهمية
صورة أرشيفية
الترمس قال للحلباية
أنا لونى لون الدهب الأصفر
ردت وقالت روح اتملح
ده انا منى الناشف والأخضر
والبصلة الخضرة كمان قالت
أنا يومى اليوم ده ومين قدى
راح أغيظ الوردة واخليها
تسقط من عودها المتندّى
ردت ع الكل فسيخة هانم
بلا يومك بلا يومها يا خية
ده انا حالفة أنا وأختى السردينة
ما نخللى رغيف فى النملية
والعركة اتنصبت يا جماعة
على أرض جنينة كده رقيقة
يا ترى الموضوع أصله إشاعة
والا الأحداث دى بقى حقيقة
دى حقيقة سخيفة وسامحونى
أعيادنا الحلوة ناقصها نظام
وجناين بلدى وبساتينها
بتنادى سيبونى يا ناس بسلام
أم فيصل
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com