متحدث "الإسكان" ينشر فيديوهات وصورا لأعمال الإنشاءات بالعلمين الجديدة
![العلمين الجديدة](https://watanimg.elwatannews.com/image_archive/840x473/15220879131535361026.jpg)
العلمين الجديدة
نشر هاني يونس المستشار الإعلامي لمجلس الوزراء والمتحدث الرسمي باسم وزارة الإسكان، مجموعة من الصور والفيديوهات لمدينة العلمين الجديدة بعد أن تمَّ إنجاز جزي كبير من المشروع.
وكتب يونس منشور عبر حسابه الشخصي على موقع التواصل الاجتماعي "فيسبوك": "النهارده معانا فيديو وصور مبهجة.. العلمين الجديدة.. مدينة السحر والجمال.. هى فعلا مدينة ساحرة.. الحمد لله.. الإنجاز في المدينة على قدم وساق.. خلصنا المرحلة الأولى من الممشى السياحي.. الكورنيش يعني.. وده من حق أى حد يتمشى عليه، ويستمتع بمشهد المياه الساحر، بعد ما اتقفل معظم الساحل زمان للأسف.. عندنا فرع الأكاديمية البحرية وجامعة العلمين الأهلية هيشتغلوا سبتمبر 2019 بإذن الله".
وأضاف: "عندنا مطعم عالمى لبناني اشتغل، وغيره أكتر من واحد بيستعد للتشغيل.. عندنا منطقة ترفيهية بتخلص.. عندنا منطقة صناعية، صناعة وإنتاج، بيتم التعاقد عليها.. عندنا زمان كان فيه شقق إسكان اجتماعي بالمدينة، وكنا بندلل عليها محدش رضى يحجز، مكنوش شافوا الجمال ده، ولسه فيه منها عندنا إسكان مميز اتشطب، الوحدة قربت على 100 م، وبنستعد لطرحها للبيع، وهتشوفوها فى الصور والفيديو، بس دى مش على البحر، بس تحفة عدنا 15 برج على البحر، والحمد لله الاقبال على الحجز رهيب، وعلشان كده بندرس نزودهم كمان 8".
وتابع: "أيوه يا باشا الأبراج دي هى الغالية.. مش مكسوفين والله، بالعكس متشرفين إننا بنبيع بالغالي منطقة ساحرة، ونآخد فلوسها من الأغنياء نعمل بيها شقق للمحتاجين محدودي الدخل.. عندنا مرافق وطرق وكباري بتتعمل، حاجة ولا في الخيال.. عندنا عشرات الألاف من شبابنا ورجالتنا بياكلوا عيش من المشروعات دي، بدل ما يترصصوا على القهاوي يلعنوا كل حاجة.. عندنا أمل ورؤية وتفاؤل، وقلوبنا فيها خير يكفي الناس كلها.. تحيا مصر".