في جروب على "فيس بوك".. "حسين" يعلم السيدات صيانة الغسالات
صورة حسين صلاح
لم يكن الأمر مفاجأة بالنسبة لحسين عطية، مهندس صيانة الغسالات، بأن مجرد إنشائه لجروب لتعليم صيانة الغسالات على "فيس بوك"، ستكون السيدات الفئة الأكثر تفاعلًا وعددًا داخل الجروب الذي أطلق عليه "اتعلمي صيانتك بنفسك".
"الغسالة هي روح البيت والست أكتر واحدة بتعاني لما الغسالة يحصل فيها عطل".. قالها الرجل صاحب الـ45 عامًا، الذي كان يعمل فني صيانة داخل إحدى شركات الأجهزة الكهربائية لفترة تزيد عن 25 عامًا "من سنة نزلت بوست على أحد الجروبات المشهورة على فيس بوك، لمساعدة الناس في صيانة الغسالات، ومن ساعتها الناس بقت بتدخل تكلمني على فيس بوك ووتس آب وتسألني لحد ما قررت أعمل جروب وأخلي الأدمن المسئول عنه يجمعلي الأسئلة كل يوم وارد عليها في نفس اليوم".
بالتواصل والاتفاق على الخطوات عن طريق وتس آب، يساعد حسين، السيدات اللائي يقمن بالاتصال معه من أجل تصليح عطل الغسالة وإرشادهن إلى أماكن قطع الغيار المناسبة: "ارتفاع أسعار شركات الصيانة ووضعهم العملاء بتوعهم على قائمة الانتظار لشهور خلى الناس بقت تفكر تعمل العطلات بنفسهم، والستات شاطرة تعرف تعمل أي حاجة وتصلحها مافيش حاجة صعبة عليها".
يفكر حسين، بإضافة تطورات علي الجروب الذي أنشأه بمشاركة بعض الحرف المختلفة، لمساعدة في صيانة جميع عطلات المنزل: "هدخل كام أسطى في أكتر من حرفة عشان يساعد الأعضاء اللي في الجروب عشان كل واحد يقدر يصلح أي مشكلة يواجهها في بيته، ودا مش تضارب مصالح الشغل دا رزق ومحدش يقدر يقف قصاده".