فانوس الثورة بيغنى: والله وعملوها الرجالة
![فانوس الثورة بيغنى: والله وعملوها الرجالة](https://watanimg.elwatannews.com/old_news_images/large/14764_660_395894_opt.jpg)
الوحيد فى ميدان التحرير الذى يبيع فوانيس، لا ينادى على بضاعته ولا يستوقف المارة لمشاهدتها وتجريبها، بل يكتفى بتشغيل فانوس الثورة الذى يغنى: «والله وعملوها الرجالة» فيتجمع حوله الزبائن.
وسط أعلام مصر والخيام المتراصة فى صينية التحرير وحالة الصخب التى يشهدها الميدان، وقف عم عسران محمد ليبيع الفوانيس التى يتماشى غناؤها مع المكان.
الفانوس على شكل «كأس العالم» ولونه ذهبى ومكتوب على علبته بالخط العريض: تحية إلى الشهداء، مع صورة اللواء محسن الفنجرى وهو يحيى شهداء الثورة فى بيان المجلس العسكرى الشهير بعد تنحى الرئيس، ودلالته، كما يفسرها عسران، هى نجاح الثورة المصرية وفوز الشعب المصرى برئيس منتخب ليس له أى علاقة بالنظام القديم.
«أنا فى الميدان بفيد وبستفيد، ببيع الفانوس للناس اللى من المحافظات بتمنه الحقيقى ومكسبى يتحسب جملة من البيع الكتير».. هكذا برر عسران سبب وقوفه فى الميدان لبيع بضاعة ربما لا تناسب المتظاهرين الذين يقبلون أكثر على شراء الأعلام.
تختلف أسعار فوانيس عسران حسب شكلها وحجمها: «الفانوس عندى بيبدأ من 25 جنيه وبيوصل لـ65، وفانوس الثورة بـ35 جنيه، ودى أسعار رخيصة بالنسبة للى بيتباع فى المحلات بره».
يحصل عسران على بضاعته من سوق الموسكى، وهى بضاعة مستوردة من الصين: «البضاعة الجديدة كتير بس أنا اخترت الفانوس ده لأنه مناسب للتحرير وفعلا كل اللى بيسمع أغنية حمادة هلال ييجى يسأل على سعره ويشتريه».