«ليلة القبض على مرسى».. جدارية تتحدى أنصار الرئيس فى مدينة نصر
قبل 24 ساعة، من انطلاق المليونية الثانية للإخوان بمحيط رابعة العدوية، كان فنانو الجرافيتى يطلقون حملة «30 يونيو ليلة القبض على مرسى»، بكل المراكز والمنازل وحتى المحال والمولات، لتحديد موقف أهالى المنطقة من مليونية الإسلاميين، اليوم، ومن الرئيس يوم 30.
بملابس بسيطة وخرق بالية، يتجول محمد عبدالرحيم، ليمسح سيارات زوار المول التجارى، ويجلس لحراستها مقابل «جوز جنيهات»، ينظر للجرافيتى الذى ظهر بين ليلة وضحاها، حسب تعبيره، قائلاً «طول اليوم ببقى هنا لكن معرفش مين اللى رسمها، بس أكيد راجل»، الرجل الأربعينى يوضح أن «الشارع كان معروفاً بأنه أكثر المناطق رقياً، وتحولت أرصفته وجدرانه لثورة، ده حتى الرصيف مكتوب عليه يسقط حكم المرشد»، ويضيف: «ياما ناس عدّت من جنبه وكتبت شتايم فى الإخوان، وياما ناس وصفت اللى رسمها بإنه راجل من ضهر راجل».
حسن أحمد الشامى، ابن الـ18 عاماً، لفتت الجدارية انتباهه، فعلق عليها «لو عليّا عاوز أقولها فى وش الإخوان، انتم نهايتكم قربت والسجن اللى هربتم منه هترجعوا له تانى»، وتابع: «الرسم والتصوير أدوات الشباب اللى بتخاف على البلد، وفعلا لو الحيطة بتتكلم كان زمان سور الاتحادية اتهد من اللى بيعملوه فى البلد»، مؤكداً أن تأثير حركة «تمرد» يظهر فى الشارع عن ذى قبل، «من ساعة ما تمرد نزلت الشارع والشباب بقى عندها حماس تكتب وترسم وتغنى.. المهم إن مرسى يرحل».