بالفيديو| صاحبة "عزومة السيسي": "الريس قالي الغلابة همي ودعواتهم بتقويني"
السيسي خلال إفطاره مع أسرة غيط العنب
روت نادية توفيق، ربة الأسرة التي استضافت الرئيس عبدالفتاح السيسي في منزلها، لتناول طعام الإفطار، تفاصيل زيارة الرئيس لمنزلها، قائلة: "الريس كلمني كأنه أخ وأب وجار حنين".
وأضافت نادية، خلال مداخلة هاتفية لبرنامج "انفراد"، المذاع على شاشة "العاصمة": "أنا قلت للسيسي نفسي اشوف عيالي أحسن ناس في الدنيا، بس مش أحسن من حضرتك، وقعد عندي هو ووزير الدفاع نص ساعة".
وتابعت ربة الأسرة: "قلتله عايزة الغلابة يكونوا همك يا ريس، وكل تفكيرك في الفترة الحالية، قالي أنا ماليش غير الغلابة، ودعواتكم لينا هي اللي بتقوينا وبتنصرنا وتدفعنا لقدام، وقالي لازم كلنا نشتغل يا حجة، واقتنعت بكلامه جدا".