اسمحيلى
![اسمحيلى](https://watanimg.elwatannews.com/old_news_images/large/258646_Large_20140812044643_11.jpg)
تسمحيلى إنى أقولك
إن قربِك زى بعدِك
كل ما فى الأمر إنى.. . وإن إنك
ورقة ف كتابى.. ولعبة ف دولابى.. وإنى هجرتك
كنتِ لعبة لعبت بيها يومين.. وسبتِك
أصلُ لو عالحب أساساً أنا مكنتش حابك
كل الحكاية إن أصحابى وأصحابِك
جم وراهنونى على حُبك قلت أحبك
أصل إنتِ طالعة فيها ومناخيرك ف السما قلت أهدِك
أنا كُنت بتفنن فى ذُلِك
والآن أُعلن انتصارى.. وانكسارِك
بس إنتِ عارفة.. استنى أنا عايز أقولِك
أنا أحسن دور لعبته هو إنى مثلت دور حُبِك
ياما ذليتى وهنتى ف اللى حَبِك
دا إنت كُنتِ بتغيريهُم زى شُنَطِك
لكن دلوقتى طبعاً قايدة نارك
عشان شربتى من كاس عذابك
اللى ياما سقيتيه للى اختارك واللى حَبِك
اللى هانك.. واللى ذلِك
مش أنا.. ده غرورك بجمالك وجسمك
واسمحيلى بس أقولِك
إنى فرحان جداً بذُلِك وغدرك
وإنى أخدت كل اللى أنا عايزه منك
وبعد كده سبتك وهينتك
اسمحيلى الآن بالرحيل بعد أن أخدت كل شىء منك
خلاص كرهتك.. قصدى طول عمرى وأنا كارهك
الشاعر محمد سلامة