بالفيديو| خالد صالح في مقطع صوتي عن 25 يناير: "يا أموت يا أعيش بحرية"
أعاد نشطاء مواقع التواصل الاجتماعي نشر مقطع فيديو للفنان خالد صالح، يتحدث فيها عن ثورة 25 يناير. وقال صالح، الذي وافته المنية، اليوم، في المقطع: "بتوع الثورة عايزين إيه.. صبرنا وتعبنا كتير ولسة الناس ما مشيتش؟.. شوارع سد وميدان مقفول وزادت زحمة على زحمة لا حطت زيت في طبق الفول ولا رخصت لحمة ولسة كلنا بنشقى وغلابة ما نابنا منها غير الغاز وصورة جنب دبابة".
واستكمل: "لو رأيك مخالف قول ده، حتى الكنبة بقالها حزب، ما عادش الظلم يخرسنا ما عادش الخوف يغمينا، مفيش عيل هيورثنا يبيعنا ويشتري فينا ماعادش المصري بيطاطي خلاص صوته بقى مسموع، ولو حاكم طلع واطى هيصبح عندنا مخلوع، ولو كنا قبلنا زمان نعيش وضهورنا محنية أنا الثورة جابتلى ميدان يا أموت يا أعيش بحرية".