«فى عشق الميكانيكا».. طلاب «هندسة» يروجون لقسمهم
دشن مجموعة من طلاب قسم الميكانيكا فى كلية هندسة القاهرة، رابطة بعنوان «ميكا» لدعوة طلبة السنوات الأولى للالتحاق بالقسم. «إيه الفرق بين الميكانيكى ومهندس الميكانيكا؟ هقعد فى البيت لما أتخرج ولا إيه النظام؟ أسئلة طرحها الطلبة فى محاولة لتصحيح الصورة الذهنية عن قسمهم.
«فى عشق الميكانيكا»، هكذا وقف مصطفى كرارة فى كليته يوضح أهمية هذا القسم: «أكتر من 90% من طلبة الأقسام الأخرى أو طلبة إعدادى معلوماتهم سطحية أو خاطئة عن طبيعة القسم، حتى لو ما دخلوش القسم، بنحاول نصحح معلوماتهم».
الشاب كان واحداً من كثيرين وقفوا فى كليتهم يشرحون للطلبة «ليه ميكانيكا؟» وأطلقوا «هاشتاج» على «تويتر» و«فيس بوك» تحت نفس العنوان ليشرحوا فيه سر اختيارهم: «إحنا مبدأنا إننا نقنع الطلاب بقيمة وطبيعة شغل ومواد قسم ميكانيكا، وبنقول إيجابيات القسم ومتعة الدراسة فيه، اللى تخلى الطالب يستحمله». أحمد يوسف، أحد طلبة القسم، عدد بدوره مميزات القسم: «الميكانيكا مجال شغلها مؤثر جداً، والمهندس بيشوف إنجاز شغله لما المنتج يخلص.