خالد تليمة لـ"الإخوان": أنتوا وحماس بتتحملوا تراجع التعاطف الشعبي المصري تجاه فلسطين
قال الناشط السياسي خالد تليمة، نائب وزير الشباب السابق، موجهًا رسائل لجماعة الإخوان بخصوص ما يحدث في غزة: "إنتوا فاكرين في مظاهرات زمان، لما كنا بننزل عشان القضية الفلسطينية، لما كنتوا بتخلعوا أول ما تيجي سيرة مبارك، وتكتفوا بهتافاتكم اللزجة والمعلبة".
وأضاف تليمة، على صفحته الشخصية على موقع التواصل الاجتماعي "فيس بوكط، قائلًا: "فاكرين لما كنتوا بتهتفوا كل مرة (خيبر خيبر يا يهود جيش محمد سوف يعود).. وبعدين لما وصلتوا للحكم عملتوا من بنها، متابعًا: "أنتوا عارفين أنكم أنتوا وحماس بتتحملوا جريمة تراجع التعاطف الشعبي المصري الغير مبرر تحت أي ظرف، بسبب مواقفكم تجاه الشعب اللي كان طول عمره حافظ وحاضن للقضية الفلسطينية ورافض للتطبيع".
وواصل هجومه على الإخوان، قائًلا: "ممكن تنقطونا بسكاتكم وتبطلوا تزايدوا على السلطة الحالية لأن مرسيكم وهو في الحكم كان راعي اتفاق التهدئة اللي بينص على وقف الاعتداء على أحفاد القردة والخنازير زي ما كان بيقول"، خاتمًا كلامه بالقول: "من غير شرح كتير، أنتوا عارفين أكيد أن موقفنا ضد الاحتلال الصهيوني ومع الشعب الفلسطيني، اللي بيدفع جنب معاناته من الاحتلال، تمن الانقسام اللي مازالت حماس بتنتهز كل فرصة لتكريسه، فموقفنا أكيد مع الشعب الفلسطيني ومقاومته، عشان بس تبطلوا نغمة حماس دي".