بريد الوطن| خربشات
صورة تعبيرية
(1)
سؤال أعرج بيتسنّد
على أمنية مبتورة
لمين عشت الحياة بعدى
ومين دلوقت ف الصورة
ومين فاتح لها قلبك
وسايب روحى محظورة
(2)
الشعر خيل جامح
ما توقفه قافية
والحرف لو فارس
ما بيركبه عافية
(3)
متهيألى كده خلّصت
خدت العبرة واستخلصت
مش مشكلة لو قلبى اتخان
أنا يكفينى إن أنا أخلصت
(4)
وهقولك إيه غير السلام
فى حاجات بتقوى بالفراق
وبتبقى أكبر م الكلام
وانا خضت فيك كل المعارك
ونصرى دايماً بانهزام
كان فاضل إيه غير الرحيل؟!!!
صبر جميل
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com