المغير يشيد بوزير الاستثمار الجديد.. ويصفه بالـ"دينامو"
![المغير يشيد بوزير الاستثمار الجديد.. ويصفه بالـ](https://watanimg.elwatannews.com/old_news_images/large/94131_660_2689395_opt.jpg)
أشاد أحمد المغير، عضو جماعة الإخوان المسلمين، بالوزير يحيي حامد، الذي تولى حقبة الاستثمار، واصفاً أياه بالـ "دينامو".
وكتب المغير، عبر حسابه الخاص على موقع "فيسبوك"، قائلا "حقيقة أنا معرفش وزارة الاستثمار دي بتعمل إيه بالضبط بس أنا حابب أتكلم عن وزيرها الجديد يحيي حامد، يحيي أنا اتعاملت معاه شخصيا وإحنا في الحملة الرئاسية ولفترة صغيرة أثناء تواجده في الفريق الرئاسي، لو حبيت أوصفه في كلمة مختصر هقول عليه إنه: دينامو".
وواصل قائلا "يحيي حامد فعلا كان هو دينامو الحملة الرئاسية والفريق الرئاسي، أكتر واحد بيشتغل وأقل واحد بيظهر، وكان الشغل اللي بيشيله هو أكتر شغل متعب ومزعج اللي الآخرين دايما كانوا بيبعدوا عنه، يحيي رغم إنه كان بياخد مرتب ضخم في عمله الخاص إلا إنه مترددش للحظة واحدة إنه يسيب كل حاجة ويتفرغ تماما للحملة الرئاسية وبدون أجر زيه زي عشرات الكفاءات اللي ضمتها الحملة الرئاسية ليها، يحيي حامد من أكثر الشخصيات اللي قابلتها قوة وحزم ورجولة وفي نفس الوقت خلق وتواضع وحلم وهو فعلا من النماذج اللي لا بد أن يتم تعميمها في كافة مؤسسات الدولة".
وأخيرا قال "يحيي حامد....بالتوفيق أخي العزيز".