7 مكالمات تليفونية ترصد تفاصيل الجريمة

07:42 م | الخميس 15 ديسمبر 2016

تضمنت أدلة الاتهام مكالمات «حبارة» يوم تنفيذ الحادث، التى قُدمت للنيابة العامة، ففرّغت محتواها، فتبين منها تورطه فى ارتكاب الجريمة، وجاءت تلك المكالمات كالتالى:

1 - المحادثة التليفونية الأولى بتاريخ 18/8/2013 جاء مضمون المكالمة كالتالى: المستقبل «عادل حبارة»: السلام عليكم. المتصل «مجهول»: عليكم السلام ورحمة الله وبركاته. المستقبل «عادل حبارة»: إيه يا حبيبى. المتصل «مجهول»: أهلاً يا شيخ، إيه أخبارك؟. المستقبل «عادل حبارة»: والله يا راجل أقسم بالله، الله المستعان. المتصل «مجهول»: إيه؟ المستقبل «عادل حبارة»: الواحد بيفكر فى حاجة عسى الله أن يرزقنا الجنة، لسه بافكر فيك بالله دلوقتى فى اللحظة دى، وإنت بتكلمنى.. أخبارك إيه يا عم الشيخ؟ المتصل «مجهول»: أنت إن شاء الله ماشى ولّا إيه؟ المستقبل «عادل حبارة»: والله فيه شغلة كده مية المية. المتصل «مجهول»: فيه تنسيق بينكو وبين أخوى هناك ولّا إيه. المستقبل «عادل حبارة»: لا.. فيه ناس يعنى انت عارف بتشوف الوضع ماشى.. وفيه لبخة أصلاً هناك، فإحنا نستغلها وننفذ شغلنا ع السريع كده وربك ييسر. المتصل «مجهول»: طب فيه حاجة رايحينها ولّا أى حاجة؟ المستقبل «عادل حبارة»: آه آه آه بس لما تيجى أكلمك بقى. المتصل «مجهول»: آه طيب ماشى ماشى. المستقبل «عادل حبارة»: ماشى.. أكلمك أنا ونشوف هنعمل إيه. المتصل «مجهول»: جايلك دلوقتى. المستقبل «عادل حبارة»: ماشى يا حبيبى توكل على الله، ربنا يحفظك.

{long_qoute_1}

2 - المحادثة التليفونية بتاريخ 19/8/2013: المستقبل «عادل حبارة»: سلام عليكم. المتصل «مجهول»: سلام عليكم.. أيوه يا أبوعايشة باقولك.. قول لأبوعثمان عند قبلى السدود.. عند اللفة اللى قبلى السدود. المستقبل «عادل حبارة»: اللفة اللى قبلى السدود.. ماشى يا حبيبى جزاكم الله خير.. سلام عليكم. المتصل «مجهول»: ماشى.

3 - المحادثة التليفونية بتاريخ 19/8/2013 الساعة 7:30 وجاء مضمون المكالمة كالتالى: المستقبل «عادل حبارة» «يسمع فى أول المكالمة صوت المدعو عادل حبارة متحدثاً إلى شخص ما بجواره بكلام غير واضح»، ثم يتحدث إلى المتصل به قائلاً: السلام عليكم. المتصل «مجهول»: باقولك. المستقبل «عادل حبارة»: أيوه يا حبيبى. المتصل «مجهول»: أنا فى الاتجاه المعاكس. المستقبل «عادل حبارة»: هااا؟ المتصل «مجهول»: أنا فى الاتجاه المعاكس.. هى اللى بتطخ دلوقتى. المستقبل «عادل حبارة»: فيه إيه؟ المتصل «مجهول»: هى اللى بتطخ دلوقتى على الحدود فى الاتجاه المعاكس. المستقبل «عادل حبارة»: سيارة؟ المتصل «مجهول»: آه.. لا.. آه.. لا عربية.. اثنين جرير. المستقبل «عادل حبارة»: جرير.. بتطخ.. ها؟ المتصل «مجهول»: آه بتطخ ع الحدود.. مش عارف وقفت ولّا ظلت ماشية. المستقبل «عادل حبارة»: بتطخ على تايلاندى؟ المتصل «مجهول»: لا.. لا.. مش عارف والله بتطخ فى الجو ولّا بتطخ على تايلاندى ولّا بتطخ.

4 - المحادثة التليفونية بتاريخ 19/8/2013 الساعة 7:38 وجاء مضمون المكالمة كالتالى: المستقبل «عادل حبارة»: أيوه السلام عليكم. المتصل «مجهول»: وعليكم السلام ورحمة والله وبركاته.. باقولك. جت ليها مدرعة تانية. جت ليها واحدة تانية. المستقبل «عادل حبارة»: «متحدثاً إلى من بجواره ويبدو من خلال الحديث أنه يتحدث إلى قائد السيارة التى يستقلها» طب لف.. لف.. لف.. لف وارجع وامشى على طول زىّ ما كنا ماشيين.. «ثم يتحدث إلى المجهول المتصل قائلاً: «أيوه يا حبيبى». المتصل «مجهول»: جت ليها واحدة تانية. المستقبل «عادل حبارة»: جت ليها مدرعة تانية؟ المتصل «مجهول»: جت ليها واحدة تانية من الماصورة. المستقبل «عادل حبارة»: تمام.. تمام.. تمام. المتصل «مجهول»: بص. المستقبل «عادل حبارة»: ها؟ المتصل «مجهول»: ودى التالتة كمان. المستقبل «عادل حبارة» «يسكت قليلاً، ثم يتحدث قائلاً»: ماشى.. ماشى. المتصل «مجهول»: السلام عليكم. المستقبل «عادل حبارة»: وعليكم السلام ورحمة الله.

5 - المحادثة التليفونية بتاريخ 19/8/2013 الساعة 7:40 وجاء مضمون المكالمة كالتالى: المستقبل «عادل حبارة»: السلام عليكم. المتصل «مجهول»: سلام ورحمة الله وبركاته.. باقولك. المستقبل «عادل حبارة»: أيوه. المتصل «مجهول»: دلوقتى صرنا أربعة. المستقبل «عادل حبارة»: ما تشغلش بالك خالص إحنا.. المتصل «مجهول»: ماشى.. ماشى. المستقبل «عادل حبارة»: بس خلاص.. عادى يعنى. المتصل «مجهول»: الله يسهلك ماشى.

6 - المحادثة التليفونية بتاريخ 19/8/2013 الساعة 13:13 وجاء مضمون المكالمة كالتالى: المتصل «إسماعيل»: السلام عليكم. المستقبل «عادل حبارة» «يظهر من خلال الصوت تحدث المستقبل -عادل حبارة- مع آخرين موجودين إلى جواره بعد الرد على الهاتف ويدور حوار بينه وبين أحد الموجودين إلى جواره كالتالى: حبارة: هو إنتوا فتحتوا كرتونة.. فضتوها.. مش الكرتونة زى ما هى، آخر بجواره: فضينا كله، حبارة: طب ليه تفضوا كله.. مش بتوعكوا أصلاً دى حاجات أمانات.. طب أنا دلوقتى لو مش سامحتكوا إيه هيكون مصيركم.. آخر بجواره: إحنا ما نعرفش حاجتنا، حبارة: لا إزاى أنا حاجتكوا حاطتها لروحها.. إيه يخليكوا تفضوها، آخر بجواره: محدش يعرف، حبارة: يا عم أنا على العموم مش مسامح فى حاجتى وخلاص، ثم يتحدث إلى المتصل به -إسماعيل إبراهيم عبدالقادر- قائلاً: السلام عليكم. المتصل «إسماعيل»: عليكم السلام. المستقبل «عادل حبارة»: أيوه يا حاج.. أيوه يا حبيبى. المتصل «إسماعيل»: كيف أحوالك؟ المستقبل «عادل حبارة»: كيف الوضع.. الحمد لله والله فى نعمة.. إيه إنت نايم ولا إيه؟. المتصل «إسماعيل»: لا والله كان معايا تليفون.. إداك جارى الانتظار يعنى. المستقبل «عادل حبارة»: ماخدتش بالى من قصة الانتظار.. المهم إيه أخبارك؟ المتصل «إسماعيل»: وأنا رنيت عليك إدانى جارى الانتظار. المستقبل «عادل حبارة»: سمعت أخبار ولا حاجة.. ها؟ المتصل «إسماعيل»: نعم؟ المستقبل «عادل حبارة»: بقولك سمعت أخبار ولا حاجة؟ المتصل «إسماعيل»: الدنيا ملخبطة خالص بالبلد. المستقبل «عادل حبارة»: إنت سمعت أخبار الصبح ولا حاجة؟ المتصل «إسماعيل»: آه.. آه.. آه. المستقبل «عادل حبارة»: الله أكبر. المتصل «إسماعيل»: خمسة وعشرين واثنين. المستقبل «عادل حبارة»: تسعة وعشرين.. «العبارات الخاصة بها غير واضحة». المتصل «إسماعيل»: هو بيقولك خمسة وعشرين.. ربنا يتقبل. المستقبل «عادل حبارة»: المهم ألف مبروك. المتصل «إسماعيل»: إيه؟ المستقبل «عادل حبارة»: بقولك مبروك.. مبروك. المتصل «إسماعيل»: الله يبارك فيك يا حبيبى ربنا ييسر لك. المستقبل «عادل حبارة»: ربنا ييسرلك أمرك يلّا شد من أزر إخوانك وشغل الناس مفيش حد ينام. المتصل «إسماعيل»: والله الناس هنا انضربوا على روسهم بعد اللى حصل إمبارح ولا عارف أجمع عليهم أساساً. المستقبل «عادل حبارة»: الله المستعان الله المستعان أنا كلمت صاحبك يشوف أى وسيلة علشان يشد من أزرك. المتصل «إسماعيل»: صاحبك مين؟ المستقبل «عادل حبارة»: التخين. المتصل «إسماعيل»: التخين عنده ظروف صعبة خالص مش عارف أتكلم معاه.. نسيبه معاه سبعة.. «كلمة غير واضحة». المستقبل «عادل حبارة»: إنت مالك إنت بقى أنا كلمته وقالى خلاص، والله بإذن الله أظبط الأمور قلت له أسرع وأجرى بالله عليك. المتصل «إسماعيل»: من ساعة ما كلمتنى إمبارح وأنا عمال أتصل عليه مردش إلا مرة وقالى ماشى هنزل وأكلمك تانى واتصل عليا قلت له أنا بدى أريح شوية قالى أول ما تصحى كلمنى قعدت أرن عليه رد عليا النهارده قاللى عندى ظروف واحد اتنين تلاتة ومش عرفت أتكلم معاه خالص. المستقبل «عادل حبارة»: ربك ييسرها والله المستعان.. «كلمة غير واضحة». المتصل «إسماعيل»: كلمة غير واضحة. المستقبل «عادل حبارة»: الله المستعان ربك ييسرها إن شاء الله. .

7 - المحادثة التليفونية بتاريخ 19/8/2013 وجاء مضمون المكالمة كالتالى: المتصل «عادل حبارة»: السلام عليكم ورحمة الله. المستقبل «مجهول»: عليكم السلام.. سامعنى؟ المتصل «عادل حبارة»: سامعك.. سامعك. المستقبل «مجهول»: فيه إيه؟ المتصل «عادل حبارة»: مفيش حاجة كنت بباركلك بس.. ألف مبروك. المستقبل «مجهول»: الله يبارك فيك.. على إيه إن شاء الله؟ المتصل «عادل حبارة»: ولا حاجة على الأربعة وعشرين..!!!.. على الخمسة وعشرين شمعة ولا التسعة وعشرين شمعة دول. المستقبل «مجهول»: آه.. أيوه أيوه.. لسه عارف من ساعة كده. المتصل «عادل حبارة»: ربنا يباركلك يا رب. المستقبل «مجهول»: «يتحدث ضاحكاً» الله يبارك فيك. المتصل «عادل حبارة»: ياللا أى خدمة؟ المستقبل «مجهول»: الله يبارك فيك يا عم الشيخ.. ربنا يعينكوا يا رب. المتصل «عادل حبارة»: جزاك الله خيراً.. ماشى يا حبيبى.. سلام عليكم. المستقبل «مجهول»: عليكم السلام ورحمة الله وبركاته. المتصل «عادل حبارة»: اسمع.. مع نفسك ما تحكيش مع حد. المستقبل «مجهول»: ماشى ماشى.. سلام عليكم. المتصل «عادل حبارة»: سلام عليكم ورحمة الله وبركاته.