عمرو أديب: نواجه حالة "برود " من السياسيين في الرئاسة والمعارضة
طالب الإعلامي عمرو أديب، جبهة الانقاذ ضرورة إرسال مندوب من الجبهة لحضور الحوار الخاص بلجنة التعديلات الدستورية ليقدموا مطالبهم فيما يخص المواد التي يرغبون في تعديلها.
وقال أديب في برنامجه "القاهرة اليوم" على "أوربت"، "روح وقدم طلباتك، عشان يبقى عداك العيب، روج لجنة الدستور قول عندي مواد عايز أغيرها، فإيه رأيكم؟ ولو رفضوا، أطلع اعمل مؤتمر صحفي وقول ده، أنا مش بقولك روح حوار الرئاسة بس روح حوار الدستور".
وأضاف "روحوا اقعدوا وقولوا آدي مطالب الشعب، وعايزين نغير 27 مادة في الدستور لو غيرتوا 10 أو 12 خير وبركة، لو لقيتوا ودن من طين وودن من عجيب اخرجوا قولوا للناس".
وانتقد أديب، عدم تحرك السياسيين في الشارع لحقن الدماء سواء من مؤسسة الرئاسة أو المعارضة، وتابع "يا جماعة الناس دي ملهاش دعوة بالدم اللي في الشوارع ولا باللي بيجرا في سميراميس دول بيجهزوا للانتخابات، يومين وكل واحد يروح دايرته، مفيش حد في مصر قادر اليوم على أنه ينزل يمشي في الشارع، فيه حالة برود عام من السياسيين سواء في الرئاسة أو المعارضة".