الفنان الراحل أشرف عبد الغفور
ظروف تصوير الأعمال الفنية، كانت لا تلقى قبولا لدى الفنان الراحل أشرف عبد الغفور، واستنكر أجواء تصويرها في الآونة الأخيرة، خاصة بدء بالتصوير دون عمل ما يسمى بـ«بروفة الترابيزة»، وعدم وجود النص الكامل للسيناريو: «اللي بيحصل ده مش مظبوط، إحنا كانت بروفة الترابيزة أساسية، والنص بيكون كامل قدامنا، المسلسل كله لازم يبقى قدامنا، مكانش فيه زمان حاجة اسمها ناس تدخل تصور وهما معاهم 3 حلقات من 30 حلقة».
تساؤلات كثيرة عبر من خلالها أشرف عبد الغفور عن استيائه الشديد مما يحدث خلال تصوير الأعمال الفنية، سواء على مستوى الكتابة أو الإخراج، خلال لقاء إذاعي سابق، انتقد خلالها طريقة كتابة الأعمال الفنية عن طريق ما يسمى ورش العمل، قائلا: «مكانش فيه قبل كده حاجة اسمها ورش بتكتب 4 أو 5 أفراد يتناولون فكرا واحدا، إزاي؟ وإزاي في أكتر من واحد يخرجوا العمل بنظام اليونت الجديد المتبع ده أزاي؟ المسلسل لازم مخرج واحد برؤية واحدة.. العمل رؤية مؤلف وتفسير مخرج».
الفنان القدير أشرف عبد الغفور، الذي وافته المنية أمس، في حادث سير بمدينة السادس من أكتوبر، أكد خلال اللقاء السابق، أن التغيرات الكبيرة على طرأت على بيئة العمل الفنية وراء اختفائه عن الساحة: «عشان الناس اللي مستنكرين إن أنا وأمثالي بنقعد كتير في البيت، هي دي الأسباب، معنديش استعداد أضيع المسيرة اللي عملتها أيا كان قدرها وحجمها من وجهة نظر أي حد، لكن أنا حريص على الحفاظ عليها، وأني معملش أي حاجة تخدش هذه المسيرة، لأي سبب من الأسباب».
احترام الجمهور كان الغاية التي يسعى لها أشرف عبد الغفور، وهو ما دفعه لعدم القبول بهذه الأوضاع المستجدة على الأعمال الفنية: «أنا بحترم الناس اللي شجعوني، وساندوني وحبوني في كل هذه السنوات، مش هاجي أخذلهم في الآخر، لا هترضيهم ولا هترضيني أنا كمان».
تعليقات الفيسبوك